Запрашаем на фестываль народных умельцаў!

 Вясна — час, калі адраджаецца прырода, мы самі і наша любоў да традыцый! Гэта не проста змена сезонаў, а сапраўдны пачатак новага. Увесну людзі збіраюцца разам, каб святкаваць жыццё, Вялікдзень.

Ужо традыцыйным стаў фестываль-кірмаш народных рамёстваў   "Гродзенскiя традыцыi да свята Вялiкадня"

Сёлета ў гістарычным цэнтры Гродна 12 красавіка можна будзе і душой адпачыць, і ўсебакова падрыхтавацца да Вербніцы ды Вялікадня.

 Велікодныя паштоўкі і пісанкі, вербы, саламяныя кошыкі і сурвэткі са святочнай сімволікай — лепшыя ўмельцы Гродзеншчыны прывязуць у абласны цэнтр мноства адзіных у сваім родзе вырабаў.

 Пачэснымі ўдзельнікамі кірмашу стануць носьбіты нематэрыяльнай культурнай спадчыны вобласці, чыя творчасць унесена ў Дзяржаўны спіс гісторыка-культурных каштоўнасцяў Рэспублікі Беларусь.